我地2位第一次去泰國玩,本身已經係想有個陽光海灘既holiday,所以我地揀左去samui,之後上網睇酒店發現呢到有好多間酒店都係海灘附近,揀左幾間好既之後就決定左呢間,因為見佢價錢唔錯.
呢到比我地想像中好好多,所以值得我地係到留COMMENT推薦.Dara Samui Beach Resort & Spa Villa離Koh Samui Airport好近,車程只需5-10分鐘,所以我地冇Book到酒店車,而係自己係機場到坐shared minivan,只需130Baht/person,平成一半!我地一去到既時候覺得呢到唔錯,成個酒店幾有泰國度假既氣息,係熱辣辣既天氣check-in個時reception仲比左D濕毛巾同梅子汁我地飲,Good Service值得加分!~
去到間房既時候比人好舒服既感覺,入到房第一時間睇睇個次所,發現個次所非常大,同出面個廳差唔多size,有2個洗手盆,一個中等size既浴缸同埋企缸,設施好齊全.浴缸旁邊仲要有個大窗口同個廳相通,空間感大大提高.強烈推薦大家選擇King size既床, 一黎價錢唔多貴,二黎真係好舒服好大,我地2個無論點轉都仲有好多位比我地訓,唔會碌落床.
食野方面亦都唔差,我地試過酒店既早餐同晚餐,酒店入面total有2間餐廳,一間係入口既露天餐廳,係專做夜晚生意,一間係沙灘入口,旁邊設有酒店游泳池,專做早餐同晏就生意,個VIEW真係無敵!!早餐係buffet,選擇亦非常多同美味,盛惠每人,價錢亦算便宜,最重要個VIEW真係冇得彈,個酒店泳池同出面個海灘同個天連成一線,超級靚!!不個唯一唔好既地方就係比較多烏蠅,但係平時係房/酒店其他地方又冇乜.晚餐係餐,因為出面餐廳既晚餐唔多好食,所以我地試左自己酒店既晚餐,成個service同野食都好好,不過價錢相當上會比出面既餐廳貴D,但係都值得一試!!反而呢間餐廳就冇烏蠅飛黎飛去,great!!
有機會再去samui既話我地可能會再揀番呢間!!very good!!