荃灣酒店住宿之選

荃灣區是很熱鬧的，餐廳、店舖很多，而且價錢非常平民化（大概比旺角的還要便宜一點吧）荃灣地鐵站附近有多個商場：南豐中心（跟旺角的旺角中心很相似，以賣便宜的潮流服飾為主），愉景新城（賣中價貨品服裝）沿著與地鐵站相連接的天橘，可以去很多個ｓｈｏｐｐｉｎｇ　ｍａｌｌ的，大約７－８個吧。除了ｓｈｏｐｐｉｎｇ　ｍａｌｌ，街道也開滿了店子，跟旺角真的很相似。 如心海景酒店的位置其實不錯的，雖然去地鐵站要走１０－１５分鐘，但酒店附近的沙咀道很熱鬧，是荃灣的主要街道。 晚上去出去逛一下絕對沒問題，地鐵站旁的商場很多店舖也營業至１１點左右，沙咀道的店子也開至１０點，荃灣也有數間酒吧，遊戲機店，糖水店等等，所以到深夜也不會水靜鵝飛。 還有，如心酒店在海邊，有機會入住海景房間，雖然不一定能遠眺維港，但景觀還是不錯的。 不好的是，由荃灣去旺角、尖沙咀、香港島會比較遠，荃灣去旺角坐地鐵大約要３０分鐘吧，因為荃灣站是在荃灣線的尾站。 而且，如心酒店旁的如心廣場（很高的商廈）還在建設中，雖然不會有很大的噪音，但就是影響優美感吧！

員工: 極好. check-in快速. check-out時有人打尖, 但職員無視打尖的人, 示意排隊排第1的我上前. 餐廳員工非常好, 晚餐自助餐入場時簡介的員工非常親切及詳細. 收吉碟及refill食物很快. 自助晚餐亦十分優惠(分開訂, 不是訂房package), 中秋節正日才$308/ 一位成人, 仲要有燈謎遊戲換啤酒/波子汽水, 合照一張. 第二天早餐, 我是8點到, 以為應該很多人仍在睡, 很早很多位. 但因為餐廳細, 已滿坐, 要到另一餐廳, 拎食物要行少少路. 但因為員工有禮, 帶位/樓面員工亦很有禮貌及盡力幫忙, 感覺仍然很好. 吃完未夠9點, 但見到餐廳人龍很長. 應為酒店要檢視是否能賣這麼多早餐位, 是否能應付. 要不是員工優秀, 應該很多人嘈了, 或者這也已經令員工受很多氣. 價格: 中秋節四百多元包雙人早餐, 小童早餐過100CM加$63. 超值. 房間: 最便宜的山景房, 我們只要求非吸煙房及雙床房, 都能安排. 房間沒有異味, 看到泳池及一點沙灘景. 很好. 沖涼有花灑及蓮蓬, 但中間如何轉換, 沒有指示, 自己能弄懂的還好, 但相信很多人要打到前台問. 建議文放指示於當眼處. SHUTTLE BUS: 13:30荃灣地鐵上車, 全部等待的人都能上車, 但估計如果是再晚一點(酒店3點check-in)一班車應該載不完. 之前看comments見到回程退房後坐shuttle要付錢, 酒店可能改善了, 退房時有派坐車卷. 但由於大家都是集中於11點退房, 車根本不夠用. 幸好坐的士也不難, 出荃灣也只是50元左右. 沙灘: 多碎石, 中秋節當天水很污糟. 由酒店去大約5至10分鐘, 要行樓梯. 但算輕鬆, 3歲小朋友也零難度. 泳池: 由90CM至140CM深, 雖然入住當天差不多full house而且泳池不大, 但沒有太多人游水, 想游水及玩大水泡的仍然夠空間; 有更衣及沖身地方,有細jacuzzi, 排排坐應可容納最多6個人. 兒童遊戲室: 其中一間有兩個細波波池,一個攀爬架連滑梯, 仲有少量其他玩具. 每天有兩節清潔時間; 另一間有氣墊球, 兩部遊戲機中心的機, 及有switch check-out時間11:00覺得太早了點 (對比3點check-in).

房間只有２個13A插座，一個reserved for煲水；一個喺牆角下方近地腳線，被梳化及梳妝枱封住，得物無所用；床邊冇13A插座或USB 2A port，不便床上叉手機；如果2人入住，同時叉2部手機2部相機丶開2部手提電腦及煲水，最少需要6個13A插座，只用到１個13A插座，點搞？ 地毯保養不俗，赤腳踩都冇不適感。SONY電視機臂架可轉變角度，機有analog/digital，有arirang有tvb inews / J2，後者可選字幕，remote功能完整，可插USB或色差線，我對此評分好高，甚至乎我入住過４間酒店之中，荃灣悦來冇得輸。 ２個垃圾桶不設垃圾袋係環保但辛苦房務，倒完垃圾仲要洗… 的確，酒店自己都做緊翻新，房門多次插匙卡仍然閃紅燈，開唔到門；保安方面，話就話入升降機先拍匙卡後按樓層，其實唔拍匙卡按樓層制，一樣WORK，即是...方便預約「外送茶」，無匙卡，乜人都上到樓... 浴缸好多明顯凹凸裂紋，去水控制杆亦老化；隱藏式廁紙架就同入牆衣櫃一樣，唔阻通道及觀感，設計窩心。 用ofca 接「Panda Hotel WiFi」做speed test，滙港電訊(九倉)上網速度11M 左右，算中規中矩囉。 有24小時開放自助洗衣間，唔錯。「房間打掃call」一接聽就「煲冬瓜」…「ni hao」...酒店可以再做好Ｄ，打電話前先check下住客資料再憑check-in證件轉tone講「張小姐」而非「ni hao」...離開房間只見天花板有緊急逃生燈，升降機指示牌就唔見，我迷過路… 前堂check-in兩位女職員幾省鏡，其中Venessa笑得好甜，迷得一陣陣，恨不得日日住，日日見多佢幾面。總括而言，作為荃灣地標，撘巴士經青山公路一定望到外牆油上「熊貓」宣傳，希望呢個集體回憶一直保持，我就因為「熊貓」所以先了解呢間係乜建築物，今次終於見識下，期待下次裝修完再入住。尤其由荃灣地鐵站去酒店全程可以商場過商場唔使過馬路，無懼風雨夠安全，算係咁啦。 （櫃桶大簿意見表同網上版本內容明顯有異，例如表格有問點解入住，網上版本就無）

本人選擇入住香港遠東絲麗酒店，住完後覺得這個選擇真的是沒有錯。當初選擇這間酒店的原因是只是因為鄰近我需要工作地方，但萬萬沒有想隨該酒店的服務是如此良好。 遠東絲麗酒店鄰近荃灣鐵路站，步行只需短短的數分鐘，因此為我節省了很多不必要的交通時間；另外，酒店外觀與網站上所列視的圖片是一樣的，見到後，就已經覺得我當初的選擇一定沒有錯。當我提著行李箱進入酒店大堂，各個職員均以真摰的笑容歡迎我，令我有一種回到了家的感覺，每每出外工作或遊玩時，總喜歡把榻下的酒店稱為「家」，因為有了家才有舒服的感覺；而香港遠東絲麗酒店正正符合了我這個要求。 「麻雀雖小，五臟俱全」這句說話已經經常聽到，但當中的意思卻未能真的體會；但是經過今次的住宿體驗後，我能深深領悟到當中的意思。為何我會如此說也？這是因為我住的房間雖然空間不太大，但是我所而需要使用的東西卻一一俱備。房間裡的床給了我舒適的睡眠，平時睡眠質素不是太好的我，雖然今次出外也是有些許不習慣，但是我能安心入眠，這樣令我的身體及精神能夠得以放鬆，亦令我減少了很多平日上積累已久的煩惱，能夠得此舒暢的心境，也是多得香港遠東絲麗酒店。 環境衛生往往都是旅客的必要條件，當然我也不例外，我對衛生的條件是十分重視的，不能有異味，不能有小昆蟲出現，不能骯髒等。香港遠東絲麗酒店能達到，它給予我一個舒適又乾淨的住宿環境。 最後，要退房的時間，酒店人員都很樂意回答我的提問，而且他們亦很開心我對於他們服務的支持。我是十分推薦這間酒店給任何人士，無論你是自己出外，結伴出外；是遊玩抑或工幹，香港遠東絲麗酒店也是你的選擇，因為它擁有「家」的感覺。

酒店距離大窩口地鐵站約十分鐘路程, 雖然酒店提供免費穿梭巴士但班次較少, 內地遊客團的住客較多, 晚上等候升降機比較費時, 前台職員有禮, 這晚免費升級了客房, 房間位於22樓, 房間寬敞舒適, 浴室設計極具空間感, 同時設有浴缸及淋浴間, 令人驚喜, 房間分別有書桌, 衣櫃, 高清大電視面對大床, 十分舒服。 特別值得一讚是衣櫃內擺放了兩件驚喜物品, 分別是插電式風筒和環保購物袋, 一般酒店只能提供固定式風筒, 女士們吹髮只能呆站在浴室吹乾, 但插電式風筒可坐在大床上看著電視慢慢吹乾, 十分貼心服務。 而購物袋可提供旅客外攜使用, 能讓旅客減少購買膠袋並推動環保, 一舉兩得。 另外房間也有免費飲用的樽裝水兩支, 雪櫃內的飲品則雖收費, 酒店旁有一間便利店(但據說不是24小時營業的) 酒店亦提供通宵的Room service, 宵夜價錢合理, 個人認為是荃灣/ 葵涌區內數一數二的高水準酒店。

比起遠東呢度真係唔錯，價錢又平，荃灣搭的士來回都抵 開左5日，d野好新，有好多野未準備好我都覺得ok，checkin同checkout都好有禮貌，係可能d人新做野無咁熟 房細就知架啦，有埋行李可能唔知放邊，浴室好靚同舒服，杯/毛巾明顯新買無人用過，係冷氣唔知點較 整體黎講我覺得呢間都唔錯，走個陣我地有袋垃圾counter職員都主動幫我地掉，仲同男朋友講左句生日快樂添（checkin有用到身分證）

Check in時既女性員工表情同態度都令人感覺唔友善，感覺唔到比人服務既感覺，首先第一觀感己經好差，喂，唔係尼住都要睇你面色呀。 因為當天有人生日，酒店有預先sand e-mail話可以蛋糕寄存係餐廳，入到餐廳，當時客流量唔大，可能係因為下午茶既時間，但企左入門口一段時間都無職員出尼，咁我行入D打算搵職員，表示我需要寄存蛋糕，一位大媽女職員即刻黑左我面，叫我等佢一陣，及後以一個輕率既態度同托蛋糕既方式托到去右則廚房位置，並不屑既態度向黑衫廚師表明我需要寄存蛋糕（同時單手撐於台面托住我個蛋糕），係廚師同我既警告下，先肯放低個蛋糕係安全既枱面，在此表揚當日既廚師，佢對待我既態度同我既蛋糕有令我感到比人尊重。 再稍後時間，我再前往餐廳詢問可否借餐廳既2套餐具同碟回房間，想於房間內切蛋糕同享用，我唔知道係咪酒店有規定唔可以將餐廳既用具帶上房間，反正當時女經理無向我說明，亦係用不爽既態度叫個位廚房職員求其比d即棄餐具我就可以，表揚個位小職員好盡力咁幫我搵即棄既刀叉同碟我。 酒店方面既設施同房間整潔，空間都叫寬敞，唯酒店內既女性員工們態度令感覺好不受專重，呢點令我相當不滿，建議酒店應加強女性職員對顧客既態度，已維持專業之形象，因為是次住宿體驗太差，本身服務質素一欄打算比一星算，但酒店內既3位男性職員（黑衫廚師，白衫廚師同check out時借姐比我既男職員，雨具已返還，請酒店方面放心），有令我感受到，起碼我有最基本既專重，所以願意比到3星，我一次打評論，仲要打咁大篇，但係實在太不爽太不高興。若酒店繼續維持此等服務質素，唔會再住第二次都唔會推介比朋友，因為我無得到基本專重。

呢間酒店已經住過幾次啦。今次免費升級上家庭房，超開心 房間有2張大床 空間感大。而且高處可以見到葵芳邨 葵興的高樓大廈。 位置: 真係好方便 附近有葵涌廣場 好多小食店 ，疫情嚴重，最好買外返酒店享受。由地鐵站經好爵中心，再穿過葵芳廣場，經過汽車維修店同工廠大廈就到。 衛生及保安: 今次保安叔叔坐在大門門口量度體溫。 房間床單枕頭都乾淨，但洗手盤有個好大的污漬同啡色裂縫，浴巾好多走線，而且風筒放置櫃筒好多塵，應該要加強消毒。 設施: 花灑水力好好，燈光足夠。如果酒店有個迷你健身室更加有賣點。近排疫情嚴重，建議酒店提供洗手液比較安心。

酒店已開業多年，但房間整體比預期中好，整潔乾淨，完全沒有異味，員工有禮服務一流。 相比旅遊區地點算不上方便，但如果周末偶然來輕鬆減壓，都是一個不錯嘅選擇。 附近有巴士站，來往荃灣或深井十分方便，或者可以搭酒店免費接駁巴士，來往荃灣站及荃灣西站，但坐位有限先到先得。

1) 房間整潔 2) 冷氣足，不過上床後會熱D 3) 熱水足 4) 隔音好 5) 有大雪櫃 6) 餐具足，有電煮食爐、微波爐 7) 可以叫外賣、KFC, PHD, pizzahut都送 8) checkin時要排隊，不過好快手 9) 有gymroom，設施足 10) 有泳池，因當日雷暴警告，不可游水 11) 有毛巾、洗頭水、沖涼液。沒有牙刷、拖鞋 12) 有free shuttle bus由荃灣/ 荃灣西前往酒店，1小時1班, 16座位，建議荃灣上車，因西站99%已full

一日前先預訂,荃灣區最便宜既四星酒店,大約$290一晚 可由葵芳站坐專車接送到酒店(指定時間)唔同時段都有班次 如果步行就由葵興站行15分鐘 最好由停車站入口進入,比較近,正門還要行上斜路.... 到酒店門口CHECK IN,先檢查體溫,簽証明無去過或接觸過肺炎確診者的地方 大約3分鐘完成登記手續,要按金,500,或信用卡 佢既2張單人床可以拍埋做雙人大床,所以無咩所謂單人或雙人床 房間大係佢最大賣點,門口位有衣架掛衫,有夾萬,小雪櫃 床房夠大,放行李箱2-3隻都夠曬位,洗手間,淋浴區都係分離,不是一體式,所以一個沖涼,一個去洗手間都係唔影響~ 抽氣系列唔錯,冷氣夠大夠凍,睇評價話隔音差,我當晚就聽唔到有其他房客既聲音 只係洗手間去水位好嘈,酒店有餐廳,也有連午餐或其他優惠,想偽度假2天一夜不出門也OK,附近係光輝圍,行出天橋對面就有老麥24小時,仲有好多小店,茶餐廳,惠康也有,對面馬路有711,配套完善,客房服務快速,要求另外用品也3分鐘就送到 可惜當天健身室仲係唔開,享受唔到,床夠硬,枕頭偏軟,但睡眠質素體驗很好 下次會試埋連餐飲優惠